Завітаць да ўнікальнага помніка прыроды Лельчыцкага раёна вучням нашай школы захацелася даўно, каб пабачыць велізарны памер і дакрануцца да яго назапашанай стогоддзямі мудрасці.
І сапраўды, асілак-дуб нягледзячы на свой 320-гадовы ўзрост, 32 метровую вышыню стаяў перад намі ва ўсёй прыгажосці. У дзяцей свяціліся вочы. Яны дакраналіся да яго рукамі, гладзілі шурпатую кару, абдымалі, мералі, і адчувалі як дуб аддае ім сваю часцінку мудрасці, энергіі, дабрыні.
Юныя краяведы слухалі гукі лесу, дыхалі чыстым паветрам, назіралі як павольна кружыцца з дрэў лістота, нібы выконваючы прыгожы танец.
У лесе ў вучняў адбылося сапраўднае восеньскае свята.
А на памяць аб ім засталіся фотаздымкі, цудоўны настрой і вялікае жаданне падарожнічаць па сваёй краіне.
Святлана АКУЛІЧ, кіраўнік аб’яднання па інтарэсах “Юныя краяведы” Прыбалавіцкай сярэдняй школы.
