Каб кожны жыхар нашага раёна змог парадаваць сябе і сваю сям’ю навагодняй прыгажуняй — натуральнай, з непаўторным водарам — работнікі лясной гаспадаркі ДЛГУ «Мілашавіцкі лясгас» напярэдадні навагодніх святаў пачалі нарыхтоўку і продаж навагодніх дрэў. Набыць навагоднія дрэвы (елку і хвою) можна будзе 22 і 29 снежня на святочных кірмашах, якія адбудуцца на цэнтральнай плошчы г.п.Лельчыцы а дзясятай гадзіне па наступных цэнах:
Назва | Кошт |
Дрэвы навагоднія вышынёй да 1 м | 5 руб. |
Дрэвы навагоднія вышынёй ад 1 да 2 м | 6,5 руб. |
Дрэвы навагоднія вышынёй ад 2 да 3 м | 9,5 руб. |
Дрэвы навагоднія вышынёй ад 3 да 4 м | 13 руб. |
Дрэвы навагоднія вышынёй ад 4 да 5 м | 20 руб. |
Дрэвы навагоднія вышынёй ад 5 да 8 м | 35 руб. |
Чым парушаць закон і плаціць прадугледжаны ў такіх выпадках штраф, які складае ад 5 да 50 базавых велічынь на фізічную асобу, лепш пайсці на навагодні елачны кірмаш і набыць зялёную прыгажуню там. Тым больш, што у гэты перыяд лясная ахова пяройдзе на ўзмоцнены рэжым працы, і рэйдавыя мерапрыемствы па папярэджанні незаконнай вырубкі дрэваў будуць праводзіцца сумесна з прадстаўнікамі ДАІ і дзяржінспекцыі па ахове жывёльнага і расліннага свету.Нагадваем, што набыць навагоднія дрэвы можна і ва ўсіх лясніцтвах лясгаса ў працоўныя дні з 8 да 17 гадзін па наступных адрасах:
Назва лясніцтва | Адрас |
Бараўское лясніцтва | в.Баравое, вул. Савецкая, д.2 |
Букчанскае і Рубрынскае лясніцтва | в.Букча, вул. Ю.Гагарына, д.2 |
Глушкавіцкае лясніцтва | в.Глушкавічі, вул. Бедзінай, д.20 |
Дзяржынскае лясніцтва | в.Дзяржынск, вул.Савецкая, д.1 |
Мілашавіцкае вопытна-вытворчае лясніцтва | в.Мілашавічы, вул.Савецкая, д.61а |
Прыбалавіцкае лясніцтва | в.Прыбалавічы, вул. Букчанская, д.42а |
Слабадское лясніцтва | в.Слабада, вул. Цэнтральная, д.100 |
Тонежскае лясніцтва | в.Тонеж, вул. Гагарына, д.21 |
ДЛГУ «Мілашавіцкі лясгас» запрашае ўсiх за пакупкамi навагодніх дрэў! Тэлефон для даведак 43-5-72.