У Лельчыцкім раёне скошана 6 085 гектараў траў першага ўкосу — амаль 100 працэнтаў ад задання. У адной з самых моцных гаспадарак раёна ОАО «Сінпольскае» разумеюць, што моцная кармавая база — аснова фінансавай стабільнасці. А таму ўсе сілы ў час касавіцы былі кінуты на нарыхтоўку кармоў. У тым, што травы былі своечасова скошаны, калі ўсталявалася добрае надвор’е, заслуга і механізатара Івана Уласенкі, якога вы бачыце на здымку. На трактары з касілкай ён працуе шаснаццаты сезон. Кіраўніцтва і калегі характарызуюць работніка як добрасумленнага і працавітага, які адказна ставіцца да сваёй справы. Як зазначае Іван Уласенка травы ў гэтым годзе вышэй і гусцей, ды яшчэ іх своечасова падкармілі. Таму такі і добры першы ўкос.
Канстанцін КАВАЛЁЎ.
Фота аўтара.
