Дранік стаў галоўным у нацыянальнай кухні беларусаў і самай жаданай стравай на стале.
Дранікі сталі сімвалам вядомага свята. У адным куточку Лельчыцкага раёна аграгарадку Стадолічы штогод святкуецца каларытны Дранік-фэст, які па праву з’яўляецца цэнтрам прыцягнення турыстаў.
У сярэдзіне кастрычніка на цэнтральнай плошчы аграгарадка ён збірае не толькі мясцовых жыхароў, але і шматлікіх гасцей з суседніх раёнаў і гарадоў Беларусі. Іх прываблівае глыбокі культурны падтэкст свята, традыцыйныя фальклорныя песні, танцы, якія захаваліся з даўніх часоў.
