Простой рецепт пирога с рыбой и томатами на слоеном тесте – идея для быстрого ужина
Медыкі рэкамендуюць есці не менш за 2–3 порцыі рыбы кожны тыдзень. Як гэтага дасягнуць, калі жывеш у краіне без выхаду да мора?
Нават калі сярод вашых родзічаў ёсць заўзятыя рыбакі, аднымі толькі іх намаганнямі закрыць патрэбу цэлай сям’і ў рыбе наўрад ці атрымаецца. І гаворка тут не столькі пра аб’ёмы (у нашых рэках і азёрах «дабра з плаўнікамі» хапае — хоць кожны дзень з вудай на беражку сядзі). Важна тое, што рыба на талерцы павінна быць розная. Чырвоная і белая, тлустая і дыетычная, праснаводная і марская, салёная і запечаная… Час ад часу хочацца бачыць на стале не толькі карасікаў, карпаў ды шчупакоў, але і што-небудзь незвычайнае.
Тут трэба не абыходзіць бокам рыбу ў кансервах. Такі варыянт ежы таксама можа прынесці нямала карысці, паколькі кансервацыя дазваляе захаваць кальцый, фосфар, вітаміны D, A, E і групы B. Яе зручна дадаваць у суп, салаты і іншыя стравы.
Вам спатрэбіцца:
♦ гатовае слоенае цеста — 250 г;
♦ тунец — 2 бляшанкі;
♦ сыр фета — 50 г;
♦ памідоры — 3 шт. (сярэднія) або 100 г чэры;
♦ яйкі — 2 шт;
♦ вяршкі — 50 мл;
♦ соль на смак.
Можна, напрыклад, пакаштаваць рыбны пірог з тунцом з кансерваў. Для асновы бяром гатовае слоенае цеста і выкладваем яго ў форму, папярэдне змазаную маслам. У якасці начынкі кладзём спачатку размяты відэльцам тунец і парэзаны на невялікія кубікі сыр фета. Злучаем у місцы яйкі і вяршкі, солім і заліваем гэтай сумессю рыбу і сыр. Наверх выкладваем парэзаныя памідоры. Выпякаем пірог у духоўцы пры 180 °C 40—50 хвілін.
