Работнікі лясной гаспадаркі ДЛГУ «Мілашавіцкі лясгас» напярэдадні навагодніх святаў пачалі нарыхтоўку і продаж навагодніх дрэў, каб кожны жыхар нашага раёна змог парадаваць сябе і сваю сям’ю навагодняй прыгажуняй — натуральнай, з непаўторным водарам.
Чым парушаць закон і плаціць прадугледжаны ў такіх выпадках штраф, які складае ад 5 да 50 базавых велічынь на фізічную асобу, лепш звярнуцца ў лясніцтва лясгаса і набыць зялёную прыгажуню там. Тым больш, што ў гэты перыяд лясная ахова пяройдзе на ўзмоцнены рэжым працы, і рэйдавыя мерапрыемствы па папярэджанні незаконнай вырубкі дрэў будуць праводзіцца сумесна з прадстаўнікамі ДАІ і Дзяржінспекцыі па ахове жывёльнага і расліннага свету.
Набыць навагоднія дрэвы (ёлку і хвою) можна ва ўсіх лясніцтвах лясгаса ў рабочыя днi з 8 да 17 гадзін.
ДЛГУ «Мілашавіцкі лясгас» запрашае ўсiх за пакупкамi навагодніх дрэў!
Цэны на навагоднія дрэвы:
Назва | Кошт |
Дрэвы навагоднія вышынёй да 1 м. | 5,58 руб. |
Дрэвы навагоднія вышынёй ад 1 да 2 м. | 7 руб. |
Дрэвы навагоднія вышынёй ад 2 да 3 м. | 10 руб. |
Дрэвы навагоднія вышынёй ад 3 да 4 м. | 13,5 руб. |
miloles.by