У спартыўнай зале ДУА “Мілашавіцкая сярэдняя школа” адбыліся таварысцкія спаборніцтвы па валейболе, прысвечаныя Дню абаронцаў Айчыны і Узброенных Сіл Рэспублікі Беларусь.
Змагаліся юнакі Мілашавіцкай і Дзяржынскай сярэдніх школ.
Сустрэча адбылася вельмі ўпартай і эмацыянальнай. З першага погляду было бачна, што ні адна з каманд проста так не ўступіць перамогу. У зале рабілася нешта неверагоднае: балельшчыкі перажывалі, апладыравалі, крычалі. У напружанай барацьбе перамогу з лікам 2 : 1 атрымалі навучэнцы Мілашавіцкай сярэдняй школы.
З нецярпеннем чакаем наступнай сустрэчы гэтых каманд.
Тамара Гаўрылавец, намеснік дырэктара па ВВР